کراچی : سندھ ٹریڈیونینزالائنس کے صدرکامریڈ ارشاد بلوچ نے افسوس کااظہار کرتے ہوئے کہا کہ گزشتہ دنوں ایک بدنام زمانہ ٹی وی کے رپورٹر نے ڈائریکٹر سیسی نادرکناسرو کی آڑ میں سوشل سیکورٹی کو بدنام کرنے کی گھناﺅنی سازش کی مگر اس رپورٹر کو معلوم نہیں کہ اس نے زردصحافت کا جو ثبوت دیاہے اس سے سیسی نہیں بلکہ وہ خود بدنام اور بے نقاب ہوگیا ہے۔
کامریڈ ارشاد بلوچ نے کہا کہ سیسی سندھ کے لاکھوں مزدور گھرانوں کو سہولیات دینے کا ادارہ ہے جسکو اسقدر بدنام کیا گیا کہ جیسے سیسی میں بیٹھے تمام افسران ہی کرپٹ اور بدنام ہیں جبکہ ٹی وی چینل کے رپورٹر کا کیا کردار ہے پوری دنیاجانتی ہے اور جن لوگوں نے سیسی اور نادرکناسرو کو بدنام کرانے کےلئے متعلقہ ٹی وی چینل یارپورٹر کا سہارا لیا۔انکا کردار ان کی جعلی سروس یاانکے جعلی کاروبار بھی کسی سے ڈھکے چھپے نہیں دراصل یہی وہ لوگ ہیںجو اپنے مفادات کی خاطر سیسی کو استعمال کرتے آئے ہیں جب انکے کام روک لئے جاتے ہیں تو یہ لوگ اخبارات اور چینل کے پیچھے چھپ کر سیسی پر وار کرتے ہیں جیسے گزشتہ روز سیسی اور نادرکناسرو کے بارے میں جھوٹ پر مبنی پمفلیٹ ٹی وی چینل پر چلوایا گیا اس بلیک میلر صحافی نے اپنی ذاتی خواہشات کی تکمیل کےلئے پہلے وزیراعلیٰ ہاﺅس کے ترجمان رشید چنا کو زردصحافت کا نشانہ بنایا جب وہ انکے قابو میں نہ آئے تو کناسرو برادران کو نشانہ بنایا .
کامریڈ ارشاد بلوچ نے کہا کہ متعلقہ رپورٹر تمام دن ایسے ایسے اسکینڈل کی معلومات کرتاہے کہ کون کون افسر کس کس ادارے میں کرپشن کررہے ہےں پہلے ان سے توڑ جوڑ کی بات ہوتی ہے جب توڑ جوڑ نہیں کیا جاتا تو چینل پر جھوٹی ٹیبل اسٹوری کا سہارا لے کرانہیں بدنام کیاجاتاہے مگر وہ ایسے لوگوں کو کبھی بے نقاب نہیں کرتے جو اداروں کے کرپٹ لوگ انہیں اداروں کی رپورٹس،کاغذات ودیگر معلومات فراہم کرتے ہیں وہ اس وجہ سے ا نہیں بے نقاب نہیں کرتے کہ وہ ان کے سہولت کار بنے ہوئے ہوتے ہیں اور اپنی ذاتی دشمنی کی وجہ سے نہ صرف مخالف شخصیات کو نشانہ بناتے ہیں بلکہ ادارے کو بھی خوب بدنام کرتے ہیں۔
