اسلام آباد: پاکستان لیبر فورس کے سیکریٹر ی جنرل جہانذ یب خان نے وزیراعظم عمران خان کی توجہ سندھ کے لاکھوں مزدوروں کی محرومیوں کی جانب کراتے ہوئے کہا ہے کہ عمرن خان اٹھاریں ترمیم کی زد میں آنے سندھ ورکرزویلفیئربورڈ میں ہونے والی اربوں روپے کی کرپشن کے باعث سندھ ورکرزبورڈ کے تمام فنڈز بندکرکے بورڈ کو ورکرزویلفیئرفنڈ کے زیراثرلائیں اسکی وجہ کہ اٹھارویں ترمیم کے بعد سندھ کی ویلفیئراسکیمیں جن میں ڈیتھ گرانٹ،میرج گرانٹ،اسکالرشپ گرانٹ کی اسکیمیں گزشتہ دس بارہ سال سے بندہیں اور صرف وہ اسکیمیں ریلیز ہوتی ہیں جو جعلی ورکز کے نام پر ڈیزائن کی جاتی ہیں۔
انہوں نے کہا کہ آئے دن اخبارات میں ورکرزبورڈ کی بدعنوانیاں تسلسل کے ساتھ شائع ہورہی ہیں مگر سندھ حکومت کو ان خبروں کی اس وجہ سے کوئی پرواہ نہیں کہ وہ ورکرزبورڈ کو سونے کی چڑیا سمجھتی ہے جو صرف سیاسی حکمرانوں اور بورڈ کے افسران اور سیاسی ممبران کےلئے سونے کے انڈے پیداکرتی ہیں تو انہیں مزدوروں کی بربادی سے کیا تعلق گزشتہ روز سندھ لیبرتھنک فورم کے عہدیداران سے ملاقات میں میگاکرپشن کے وہ شواہد دیکھنے کو ملے جو پاکستان کے کسی ادارے کے بارے میں تصور نہیں کیاجاسکتا تھا۔ستم ظریفی تو یہ ہے کہ سندھ کے تحقیقاتی ادارے جن میں نیب اور اینٹی کرپشن شامل ہیں بورڈ کے بارے میں ان اداروں میں کرپشن کے کیسز رجسٹرڈ ہیں مگر ان اداروں کی خاموشی المیہ ہی نہیں بلکہ ایساخاموش پیغام ہے کہ بورڈ کی کرپشن کے بارے میں کوئی انکوائری نہیں کراسکتا۔اسکے علاوہ بہت سے ایسے شواہد گاہے بہ گاہے ملتے رہے ہےں جنکی روشنی میں عمران خان جس قدر جلدی ہو سندھ بورڈ کو وفاق کی تحویل میں لے لیں ۔گزشتہ روز سعید غنی پریس کانفرنس میں میڈیا کو یہ تو بتادیتے کہ اٹھارویں ترمیم کے بعد سندھ کے مزدوروں کاجنازہ اس ترمیم نے کیسے نکالا۔اور مزدوروں کے اربوں روپے کے فنڈز کس طرح بورڈ سے غبن کیے جاتے ہیں۔
جہانذ یب خان نے کہا کہ محکمہ محنت کی حقیقت بتاتے ہوئے سعید غنی کے پر جلتے ہیں جیسے انہوں نے پروان جاری رکھی ہوئی ہے۔انہوں نے یہ کیوں میڈیا کو نہیں بتایا کہ بورڈ سندھ کے سیاسی حکمرانوں کےلئے ترنوالہ ہے کہ جب ترنوالے کی ضرورت پڑتی ہے نوالہ ایک مانگا جاتاہے،بورڈ کی کرپٹ افسرشاہی کئی نوالے بھیجتی رہتی ہے،اسکی وجہ کہ ان نوالوں میں انہیں بھی کھانا نصیب ہوجاتاہے اب جب چند دنوں میں سندھ لیبرتھنک فورم اربوں روپے کی کرپشن کے تمام شواہد وزیراعظم اور سول وعسکری قیادت کے حوالے کریگا تو سعید غنی پھر کس مقام پر کھڑنے ہونگے آج سندھ کا مزدور عمران خان کو پکار کر یہی کہہ رہاہے کہ بورڈ کو وفاق کے کنٹرول میں لینے کی اشدضرورت ہے۔
