کراچی: آل پاکستان ٹریڈیونینز فیڈریشن کے سیکریٹری جنرل عبدالستارنیازی نے لانڈھی میں مزدوروں کی ایک کارنرمیٹنگ سے خطاب کرتے ہوئے کہا ہے کہ محکمہ محنت کے تمام اداروں میں مزدوروں کے فنڈز غبن کرنے والے کرپٹ افسران واجب القتل ہیں ۔
انہوں نے کہا کہ اس پورے فراڈ اور غبن میں اکےلے اداروں کے افسران ہی نہیں جعلی گورننگ باڈیاں اور جعلی مزدورتنظیمیں اور انکے نام نہاد رہنماءبھی شامل ہیں۔انہوں نے کہا کہ سیاسی لوگوں نے محکمہ محنت کے اداروںکو ترنوالہ سمجھ لیاہے گزشتہ دس سال سے محکموں میں جعلی گورننگ باڈیاں بنانا سندھ حکومت کامشغلہ بن چکاہے کسی تحقیقاتی ادارے نے آج تک محکمہ محنت کے ذیلی اداروں میں ہونے والی اربوں روپے کی کرپشن کے خلاف نہ نیب نے کوئی کاروائی کی نہ ہی اینٹی کرپشن کے اداروں نے کوئی پیش رفت دکھائی۔
ان کاکہنا ہے کہ حالات یہ ہیں کہ ہم نے خود دوبار سندھ نیب میں کروڑوں روپے کی کرپشن اور جعلی بھرتیوں کے بارے میں سندھ نیب میں ریکارڈ جمع کرایا مگر تاحال سندھ نیب نے کوئی کاروائی نہ کی،اب ہم محرم کے بعد محکمہ محنت کے دو اداروں سندھ ورکرزبورڈ اور سیسی میں ہونے والی اربوں روپے کی کرپشن وجعلی بھرتیوں کے بارے میںمکمل رپورٹ وزیراعظم اور چیئرمین نیب کو مہیا کررہے ہےں تاکہ وفاق کے اداروں کو بھی علم ہوسکے کہ سندھ کے محکمہ محنت کے اداروں میں غریب مزدوروں کے اربوں روپے کس طرح غبن کیے جارہے ہےں جنکی بیساکھیاں سندھ کی مزدورتنظیمیں بنی ہوئی ہیں۔جو ہرسال جعلی ویلفیئراسکیمیں بناکر کروڑوں روپے غبن کرتی رہتی ہیں۔